ვაჟა ერემეიშვილი
კალიგრაფი
ჩემი ინტერესი კალიგრაფიისადმი დაიწყო ბავშვობაშივე. ამაში უდიდესი როლი კალიგრაფიის გაკვეთილებმა შეასრულა. მას შემდეგ ამ საქმეში ვარ და შემაქვს ჩემი წვლილი ამ ხელოვნების პოპულარიზაციასა თუ განვითარებაში. პროფესიით UX/UI დიზაინერი ვარ და ამავე პროფესიით ვმუშაობ, დანარჩენ თავისუფალ დროს კი კალიგრაფიას ვუთმობ.
ვარ კალიგრაფიის კონკურსების არაერთგზის გამარჯვებული რეგიონალური მასშტაბით, მქონია არაერთი გამოფენა როგორც ქვეყნის შიგნით, ისე მის ფარგლებს გარეთაც. ბავშობიდანვე ვქმნი ლოგოებს სხვადასხვა კომპანიებისთვის კალიგრაფიის დახმარებით, ვქმნი ფონტებსა და ციფრულ ნამუშევრებს.
2022: „თბილისი – საქართველოს დედაქალაქი 900“
2022 წლის 10 დეკემბერს საერთაშორისო კალიგრაფიული გამოფენა მიეძღვნა თბილისის ერთიანი საქართველოს დედაქალაქად გამოცხადებიდან 900 წლის იუბილეს. პირველად საქართველოში კალიგრაფები თბილისიდან, ბერლინიდან, სტამბოლიდან, თელ-ავივიდან, ერევნიდან და კიევიდან გაერთიანდნენ
2022: „ქართველი კალიგრაფები უკრაინისთვის“
2022 წლის 30 აპრილს „საქართველოს კალიგრაფთა ასოციაციის“ ინიციატივით გაიმართა გამოფენა-გაყიდვა უკრაინის მხარდასაჭერად. გამოფენაზე წარმოდგენილი იყო ვაჟას ერთი ნამუშევარი.
2020: რუსთაველ კალიგრაფთა გამოფენა, პარლამენტის ეროვნული ბიბლიოთეკა
2015: „ქართველ კალიგრაფთა გამოფენა“, კიოლნის საუნივერსიტეტო ბიბლიოთეკა
გერმანიაში, კიოლნის საუნივერსიტეტო ბიბლიოთეკაში, ამავე უნივერსიტეტის ბაზაზე არსებული ქართველ სტუდენტთა გაერთიანება „აისის“ და მისი ხელმძღვანელის ნინო ბურდილაძის ინიციატივით, ქართველ კალიგრაფთა გამოფენა გაიმართა. გამოფენაზე წარმოდგენილი იყო ქართველი კალიგრაფების, უფრო ზუსტად კი რუსთაველი კალიგრაფების — დავით მაისურაძის, გიორგი გორგიაშვილის, ნიკა ღუნაშვილის, ვაჟა ერემეიშვილის ხელნაწერები.
2015: „განსხვავებული ხაზები, საერთო გრძნობა“, კაირო
გამოფენა ჩატარდა 2015 წლის 15-30 ნოემბერს, საქართველოს საელჩოსა და ეგვიპტის კულტურის სამინისტროს ერთობლივი ორგანიზებით, კაიროში, სუჰაიმის კულტურულ ცენტრ „ბეით სუჰაიმში“. წარმოდგენილი იყო ქართველი და ეგვიპტელი კალიგრაფების ნამუშევრები.